Punëtorët e Ferronikelit mbështesin Lladrovcin
Punëtorët e Ferronikelit mbështesin Lladrovcin
18.10.2017 | 21:36
Kryetari i Komunës së Drenasit, Ramiz Lladrovci i cili po kandidon edhe për një mandat katër vjeçar, sot në Drenas ka takuar punëtorët e gjigantit Ferronikeli me të cilët ka bashkëbiseduar për punën që bëjnë ata dhe rëndësinë e kësaj fabrike.
“Ferronikeli është shtylla kurrizore e industrisë në Drenicë. Jam i vetëdijshëm për rëndësinë e punës në këtë gjigand ekonomik, rëndësinë e të hyrave të familjeve nga Ferronikeli në komunën tonë. Kadri Veseli i dha shtytje të fuqishme vazhdimit të prodhimit këtu”, ka deklaruar Lladrovci para punëtorëve të shumtë të fërronikelit.
Ai deklaroi se dje, sot dhe nesër, i mbështetë të drejtat ligjore të secilit punëtor të Ferronikelit. “Në takim fola për sukseset tona. Po ashtu, theksova se platforma jonë zgjedhore është e pakrahasueshme me oponencën andaj, ballhapur, kërkojmë votën e qytetarit, për PDK-në, për numrin 94. Ne jemi Forca e Ndryshimit në Drenas”, ka thënë kreu i Drenasit, Ramiz Lladrovci.