Shefja e grupit parlamentar të Lëvizjes Vetëvendosje, Mimoza Kusari-Lila, ka thënë se Ligji për grevën e përcakton qartë mënyrën e kompensimit për grevistët.

Ajo pas mbledhjes së Kryesisë së Kuvendit, ka thënë se është përgjegjësi e agjencive buxhetore që ta bëjnë ose jo ekzekutimin, ndonëse ligji e thotë një gjë të tillë.

“Ligji për grevën e përcakton kompensimin ose jo të atyre që janë në grevë. Nuk kompensohen për ditët në grevë”.

“Është përgjegjësi e agjencive buxhetore. Këto pyetje të adresohen te institucionet përgjegjëse si te Ministria e Financave po ashtu edhe të agjencitë e tjera”, ka thënë ajo.