Komisioni për Çështje të Sigurisë dhe Mbrojtjes ka miratuar të mërkurën Projektligjin për dërgimin e Forcës së Sigurisë së Kosovës (FSK) jashtë vendit.

Fillimisht, komisioni ka miratuar një për një, 12 amendamente shtesë të këtij projektligji. Ato për votim i ka paraqitur kryesuesi i grupit punues, deputeti i Lëvizjes Vetëvendosje, Enver Dugolli.

Ai ka thënë se ky projektligj me amendamentet plotësuese i plotëson gjitha kriteret.

Por, deputeti i PDK-së, Hisen Berisha, ka shprehur rezerva për disa prej amendamenteve dhe për këtë arsye ka abstenuar kur është hedhur në votim ky projektligj.

“Ky ligj rregullon çështjet një herë e përgjithmonë dhe jo çështje specifike, prandaj duhet të ketë kujdes në formulime”, ka thënë Berisha.

Anëtarët e tjerë të komisionit janë pajtuar me amendamentet.