Personat që do të ngrihen herët nesër do të kenë një kënaqësi të rrallë, teksa të shohin pesë planete të vendosen rresht në një mënyrë të veçantë për herë të parë në 18 vjet.

Mërkuri, Venusi, Marsi, Jupiteri dhe Saturni do të rreshtohen sipas distancës së tyre nga dielli, siç shihet nga hemisfera veriore, dhe mund të dallohen menjëherë në qiellin para agimit.

Nuk është e pazakontë të shohësh dy ose tre planetë afër njëri-tjetrit, por kjo është hera e parë që pesë prej tyre mund të shihen nga Britania në këtë shtrirje të veçantë që nga dhjetori 2004.

“Parada e planeteve’ do t’i bëjë të dukshme Merkurin, Venusin, Marsin, Jupiterin dhe Saturnin me sy të lirë në qiellin juglindor para agimit.

Mërkuri do të shihet më pak nga të tjerët dhe mjaft afër horizontit kur shfaqja të fillojë nesër (3 qershor), përpara se të zhduket në shkëlqimin e dritës së lindjes së diellit, por do të jetë më e lehtë për t’u dalluar me kalimin e muajit.

Venusi do të dalë mbi horizont rreth orës 04:00 dhe Marsi dhe Jupiteri rreth orës 02:45.

Saturni, i cili ngrihet mbi horizont rreth orës 01:30 , do të jetë i vështirë për t’u parë në muzg, së bashku me Marsin, ndërsa më i vështiri për t’u dalluar do të jetë Mërkuri sepse ai ngrihet vetëm rreth orës 04:30 dhe mbetet afër horizontit.