Një muaj paraburgim ia ka caktuar Gjykata Themelore në Ferizaj B.D. që dyshohet se më 28 shkurt ka goditur me veturë një veturë tjetër, ku ka mbetur e vdekur një pasagjere.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamenti i Përgjithshëm – Divizioni Penal Adem Shabani, ka vlerësuar se ekziston dyshimi i bazuar, se me date 28 shkurt 2025, rreth orës 12:42, në rrugën nacionale Ferizaj – Kaçanik, afër një fshati në Ferizaj, duke drejtuar automjetin e markës “VË Golf”, nga pakujdesia ka vepruar në kundërshtim me dispozitat ligjore të Ligjiti për Rregullat e Trafikut Rugore, në atë mënyrë që në momentin kur automjeti i markës “BMË”, të cilën e drejtonte V.V., tentonte të kyqet në rrugën kryesor tek dalja e lagjes “P”, mirëpo me të pare të pandehurin me veturën “Golf”, ndalet, atëherë i pandehuri posa shef veturën “BMË” frenon, ik në të djathtë del jashtë rrugës dhe në pjesën e përparme të anës së majtë e godet automjetin “BMË”, në mes të dy dyerve në anën e majtë, i cili lëviz mbrapa dhe me pjesën e pasme të anës së djathtë e godet shenjën e trafikut, me ç`rast si pasojë e këtij aksidenti pasagjerja e veturës “BMË”, V.M., ka ndërruar jetë në Qendrën Emërgjente në Ferizaj, ndërsa vozitësi dhe pasagjeri tjetër i kësaj veture G.K.M., si dhe i pandehuri dhe pasagjeri i tij O.D., kanë pësuar lëndime trupore”.

“Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit e ka aprovuar si të bazuar konform dispozitave të KPPRK- së, dhe të njëjtit i është caktuar masa e paraburgimit në kohëzgjatje prej një (1) muaj. Me këtë rast palët njoftohen se ankesa kundër këtij aktvendimi nuk e shtynë ekzekutimin e tij”.