Pikat kuantike janë një material i gjeneratës së ardhshme me përdorim të gjerë në ekrane, pajisje mjekësore dhe panele diellore. Në vitin 2015, Samsung Electronics komercializoi me sukses teknologjinë e parë në botë të pikave kuantike pa kadmium me televizorët SUHD. Duke ndjekur inovacionet e tij, Samsung vazhdoi trashëgiminë e mjeshtërisë së pikave kuantike me lançimin e televizorëve QLED në vitin 2017. Samsung Newsroom po shfrytëzon këtë moment për të rikthyer vëmendjen tek këto dhjetë vite dhe për të eksploruar sesi pikat kuantike po e çojnë teknologjinë e ekraneve të Samsung në një nivel tjetër.
Pikat kuantike: Gjenerata e re e inovacionit në ekrane
Pikat kuantike janë grimca gjysmëpërçuese ultra të imëta, dhjetëra mijëra herë më të holla se një fije floku. Që nga krijimi i tyre, karakteristikat fizike që u mundësojnë të ofrojnë saktësinë më të lartë të ngjyrave dhe ndriçimin më të lartë ndër materialet ekzistuese i kanë pozicionuar për të revolucionarizuar teknologjinë e ekraneve.
Kur përdoren në ekrane, pikat kuantike mbështesin një gamë të gjerë ngjyrash që përputhet me perceptimin e syrit të njeriut dhe mundësojnë rregullimin e ndriçimit në nivel piksesh për nivele më të sakta të së zezës. Duke emetuar dritë në të gjitha drejtimet, ato sigurojnë ndriçim të njëtrajtshëm dhe ngjyra të qëndrueshme nga çdo kënd shikimi, duke reduktuar ekspozimin ndaj dritës blu për një përvojë shikimi më të rehatshme.
Çfarë i veçon televizorët QD të Samsung: Përmbajtja, cilësia e filmit dhe teknologjia pa kadmium
Industria e televizorëve vazhdon kërkimet dhe zhvillimin për komercializimin e pikave kuantike, pasi ky material po bëhet një faktor kyç në teknologjinë e ekraneve. Për këtë arsye, një gamë e gjerë televizorësh me pika kuantike ka dalë së fundmi në treg, duke ofruar shumë opsione për konsumatorët.
Megjithatë, dallimet kryesore midis televizorëve me pika kuantike qëndrojnë në mënyrën sesi implementohet teknologjia dhe cilësinë e përgjithshme të ekranit.Për të siguruar një përvojë premium shikimi, duhet të merren parasysh faktorë të tillë si sasia e përmbajtjes së pikave kuantike, cilësia e filmit me pika kuantike dhe përdorimi inovativ i materialeve pa kadmium.

Përmbajtja e pikave kuantike
Cilësia e vërtetë e një televizioni me pika kuantike (QD) përcaktohet nga përmbajtja e tij me. Për të arritur cilësinë e jashtëzakonshme të figurës dhe shprehjen e pasur të ngjyrave, për të cilat janë të njohur ekranet QLED, nevojiten përqendrime më të larta të pikave kuantike në shtresën QD.
Filmi me pika kuantike
Ekranet me pika kuantike kanë një strukturë më të thjeshtë dhe më efikase krahasuar me ekranet LCD. Televizorët Samsung QLED eliminojnë nevojën për një shtresë fosfori, pasi vetë shtresa QD, në kombinim me ndriçimin e pasmë blu, rrit ndriçimin dhe ofron ngjyra më të gjalla.
Një ekran QD-OLED, i cili përbëhet nga një shtresë tranzistorësh me film të hollë (TFT) , një burim drite vetëemetuese dhe një film me pika kuantike që përdor dritën e emetuar nga burimi, e çon edhe më tej cilësinë e figurës. Në të dy rastet, një film i dedikuar me pika kuantike, që përmban një sasi të mjaftueshme të tyre, është thelbësor për të ofruar cilësi të lartë të figurës dhe jetëgjatësi maksimale të ekranit.

Pa kadmium
Në fazat e hershme të zhvillimit të televizorëve me pika kuantike, kadmiumi konsiderohej materiali më efikas për prodhimin e pikave kuantike dhe ishte thelbësor për përfitimet kryesore të kësaj teknologjie, si riprodhimi i ngjyrave dhe raporti i kontrastit.
Megjithatë, toksiciteti dhe ndikimi mjedisor i kadmiumit u bënë një pengesë e madhe për komercializimin e teknologjisë së pikave kuantike. Përdorimi i kadmiumit në pajisjet elektronike të konsumit lejohet, por është subjekt i rregullave të rrepta, pasi ky material është i kufizuar me ligj në BE . Kjo e bën të vështirë përdorimin e gjerë të tij, pavarësisht efikasitetit të lartë në implementimin e teknologjisë së pikave kuantike.
Për t’iu përgjigjur këtij sfidimi, Samsung zhvilloi materialin e parë në botë me pika kuantike pa kadmium në vitin 2014 dhe e komercializoi me sukses këtë teknologji me televizorët SUHD vitin pasues, duke hapur një epokë të re për televizorët me pika kuantike. [Deri më sot, Samsung mbetet e vetmja markë kryesore e televizorëve që ka sjellë këtë teknologji në treg.]
10 vite inovacion dhe lidership në teknologjinë e pikave kuantike
Samsung ishte një kompanitë e para që njohu potencialin e teknologjisë së pikave kuantike dhe ka udhëhequr inovacionin në tregun global të ekraneve gjatë dekadës së fundit përmes kërkimeve dhe investimeve të vazhdueshme.

Samsung filloi kërkimet dhe zhvillimin e teknologjisë së pikave kuantike në vitin 2001, në një kohë kur kishte shumë pak studime mbi materialet pa kadmium. Për të arritur ngjyra të gjalla, ishte e nevojshme që grimcat nano të kishin një madhësi uniforme, por mungesa e teknologjisë dhe kërkimeve e bënte prodhimin në masë jashtëzakonisht sfidues.
Pavarësisht këtyre pengesave, Samsung arriti të krijojë një material nanokristal pa kadmium në vitin 2014. Që atëherë, kompania ka grumbulluar ekspertizë të gjerë—duke regjistruar mbi 150 patenta—dhe ka punuar vazhdimisht për përparimin e teknologjisë. Siç u përmend më lart, një vit më vonë, në 2015, Samsung solli një tjetër inovacion duke prezantuar televizorët e parë në botë SUHD me teknologjinë e pikave kuantike pa kadmium.
Duke mos dashur të ndalej, Samsung e përsosi më tej këtë teknologji me prezantimin e linjës së parë QLED në vitin 2017, duke vendosur një standard të ri për televizorët premium. Duke aplikuar teknologjinë e pikave kuantike metalike, Samsung arriti standardin e ngjyrave DCI-P3 të Digital Cinema Initiative dhe, për herë të parë, 100% vëllim ngjyrash—duke ofruar një shprehje të pashembullt të ngjyrave . Gjithashtu, përdorimi i teknologjisë inorganike të pikave kuantike mbrojti ekranet nga efektet e burn-in , duke siguruar cilësi të qëndrueshme të figurës me kalimin e kohës.
Pas suksesit në zhvillimin e një elementi që lëshon dritë të kuqe për ekranet në vitin 2019, Samsung përmirësoi efikasitetin ndriçues të QLED-ve vetëemetuese blu—të cilat konsiderohen më sfidueset për t’u implementuar nga tre ngjyrat kryesore të QLED —duke arritur një efikasitet rekord prej 20.2% në industri .
“Zbulimi i një materiali blu për QLED vetëemetuese dhe demonstrimi i performancës më të lartë në nivel pajisjeje ishin arritje të rëndësishme të këtij hulumtimi,” tha Dr. Eunjoo Chang, studiues në Samsung Advanced Institute of Technology. “Teknologjia unike e pikave kuantike e Samsung ka kapërcyer edhe një herë barrierat teknike.”
Këto përparime revolucionare çuan në lançimin e televizorëve QD-OLED, të cilët bënë histori në CES 2022, duke fituar çmimin Best of Innovation për integrimin e teknologjisë së pikave kuantike me ekranet OLED.
Modelet më të fundit Neo QLED e çojnë inovacionin edhe më tej duke zëvendësuar LED-të standarde me një numër më të madh mini-LED-ësh, duke ofruar më shumë detaje, ndriçim dhe ngjyra të gjalla. Këto modele janë madje të disponueshme edhe me rezolucion 8K. Dhe, natyrisht, përveç përmirësimeve harduerike, Samsung integron edhe softuerin më të fundit, përfshirë AI Upscaling, optimizimin me inteligjencë artificiale dhe tani edhe Vision AI .
Samsung mbetet i përkushtuar në avancimin e teknologjisë së pikave kuantike përmes inovacionit të vazhdueshëm. Kompania vazhdon të investojë në teknologjinë udhëheqëse të ekraneve — nga QLED tek QD-OLED dhe Neo QLED — duke ofruar ndriçim të lartë, saktësi ngjyrash dhe frekuencë të lartë. E drejtuar nga inovacionet e pakonkurueshme të Samsung në fushën e pikave kuantike, e ardhmja e teknologjisë së ekraneve është më e ndritur se kurrë.