Sot në Pejë koalicioni AAK-NISMA mbajti tubimin përmbyllës të fushatës zgjedhore në prani të qindra e mijëra qytetarëve.

Kandidati për deputet i AAK-së me numër 109, Ramush Ahmetaj ka thënë se ky tubim ishte madhështor dhe tregues i qartë se koalicionit “Për Kosovën Fituese” me numrin 137 tani është realitet.

“Përkrahja e qytetarëve të Pejës, të Dukagjinit dhe mbarë Kosovës janë rreshtuar përkrah Ramush Haradinaj për kryeministër. Fryma e unitetit dhe mbështetja e madhe e banorëve për vizionin e koalicionit ‘Për Kosovën Fituese’ janë garancia e fitores dhe ndryshimit të duhur për Kosovën më shumë mundësi”, ka shkruar Ahmetaj në Facebook.

Ahmetaj para qytetarëve tha se si përfaqësues i zërit të tyre në parlament, angazhohet të mbrojë dhe avancojë interesat e qytetarëve, duke u siguruar që kërkesat dhe nevojat e tyre të jenë gjithmonë në qendër të vendimmarrjes.