Kanye West ka marrë së fundmi një rezidencë prej 35 milionë dollarë në zonën prestigjioze të mbyllur në Beverly Park, në Bevery Hills.

Pasuria luksoze e 47-vjeçarit ka plot 11 dhoma gjumi dhe 18 banja. Rezidenca përmban gjithashtu kopshte private, pamje panoramike të qytetit dhe një fushë tenisi.

Mediat e huaja shkruajnë se mega rezidenca e reperit të famshëm shtrihet në rreth shtatë hektarë tokë dhe përfshin një pishinë të stilit turistik me një ujëvarë, një pishinë të dytë dhe një vend argëtimi.

Kanye dhe partnerja e tij 29-vjeçare, Bianca Censori, do të kenë gjithashtu edhe shumë fqinj të famshëm, të cilët jetojnë në këtë lagje. Adele, Denzel Washington, Sofia Vergara dhe Justin Bieber janë disa nga yjet që janë fqinj me çiftin.

Të dhënat e pasurisë treguan se reperi i famshëm hodhi 35 milionë dollarë për pasurinë mbresëlënëse, shkruan TMZ.