Në qytetin e Prizrenit, me rastin e 144-vjetorit të Lidhjes së Prizrenit janë mbledhur bashkë kryetarët e komunave të Kosovës dhe Shqipërisë.

“Bashkë me kryetarët e komunave dhe të Bashkive Shqiptare shënuam këtë ditë të madhe dhe u zotuam ta vazhdojmë këtë traditë të të parëve tanë, sidomos në këtë kohë kur shqiptarët janë faktorë të rëndësishëm dhe faktorë stabiliteti në rajon”, ka shkruar kryetari i Prizrenit, Shaqir Totaj në llogarinë e vet në “Facebook”.

“Urime të gjithëve përvjetorin e Lidhjes Shqiptare të Prizrenit!”, ka shkruar Totaj.