E ardhmja e 16 lojtarëve të Manchester Unitedit është në dyshime me klubin që pritet të përballet me një revolucion masiv në verë.

Paul Pogba, Jesse Lingard, Juan Mata dhe Edinson Cavani do të largohen të gjithë si transferime të lira nëse nuk mund të bien dakord për marrëveshje të reja. Ndërkohë, raportimet e muajve të fundit kanë thënë se Cristiano Ronaldo mund të largohet nëse Unitedi nuk kualifikohet në Ligën e Kampionëve.

Një largim i mundshëm duket edhe ai i sulmuesit Marcus Rashford. Reprezentuesi anglez mendohet të jetë i pakënaqur me mungesën e kohës së tij të lojës nën drejtimin e Ralf Rangnick. Mason Greenwood është pezulluar për një kohë të pacaktuar që kur u arrestua me dyshimin për përdhunim, sulm dhe kërcënim për të vrarë një grua.

Portieri Dean Henderson ka vazhduar të jetë si portier i dytë i papërdorur pas David de Geas dhe është i vendosur të largohet në kërkim të më shumë minutave. Futbollistët e tjerë që pritet të largohen janë Anthony Martial, Diogo Dalot, Aaron Wan-Bissaka, Donny van de Beek, Phil Jones, Brandon Williams, Andreas Pereira, Facundo Pellistri dhe Tahith Chong.