Një autobus që po barte turist është aksidentuar në afërsi të kryeqytetit bullgar, Sofje, duke lënë të vdekur të paktën 16 persona dhe 26 të tjerë të plagosur, thonë zyrtarët.

Nikolay Gabrovski nga shërbimi emergjent në Sofje, ka pohuar se pesë persona janë me lëndime të rënda.

Policia ka njoftuar se aksidenti ndodhi në qytetin Svoge, që gjendet 50 kilometra nga Sofja. Sipas policisë, autobusi me turistë ishte përplasur me katër makina të tjera.

Autoritetet bullgare kanë bërë me dije se në autobusin e aksidentuar po udhëtonin 33 pelegrinë të cilët ishin nisur që të vizitonin një manastir.

Pas këtij aksidenti, Qeveria bullgare ka shpallur ditë zie kombëtare 27 gushtin.