Manchester Unitedi po përballet me një situatë aspak të këndshme, pasi një numër i madh i futbollistëve kanë pakënaqësi.

Mediumi “Daily Mail” raporton se janë plot 17 futbollistë që janë të pakënaqur në “Old Trafford”. Paul Pogba, Edinson Cavani, Jesse Lingard, Dean Henderson e Donny van de Beek janë në mesin e lojtarëve që mund të largohen, kurse Eric Bailly, Anthony Martial e Nemanja Matiq gjithashtu po e konsiderojnë mundësinë e largimit.

“Djajve të Kuq” nuk po u ecin punët mirë as këtë sezon dhe ndryshimet në fund të sezonit janë të domosdoshme. Nuk dihet nëse nga ky klub gjatë verës që vjen do të largohet edhe Cristiano Ronaldo.