Kandidati për deputet, Elmi Reçica së babaku me kryetarin e Ferizajt, Agim Aliun kanë vizituar familjen Bytyqi dhe banorët e Talinocit të Muhaxherëve.

Njoftimi i plotë:

Në familjen e nderuar Bytyqi, në mesin e qytetarëve të Talinocit të Muhaxherëve, bashkë me kryetarin Agim Aliu, prezantuam vizionin transformues të Partisë Demokratike të Kosovës dhe të kryeministrit në ardhje, z.Bedri Hamza.

Energjia dhe entuziazmi i qytetarëve tregojnë qartë mbështetjen për një qeverisje që sjell zhvillim ekonomik, mirëqenie dhe dinjitet për çdo qytetar.

Faleminderit për mikpritjen dhe mbështetjen!

#PDK131

#MaMirë

#BedriHamzaKryeministër

Gjatë ditës Elmi Reçica ka takuar edhe mikun e tij, Emin Krasniqin.

Njoftimi i Reçicës:

Me mikun tim dhe intelektualin e shquar Emin Krasniqin – një emër që simbolizon qëndresën dhe përkushtimin ndaj lirisë dhe atdheut. Me Eminin ishim bashkëveprimtarë të çështjes kombëtare duke qëndruar krah për krah me ata që guxuan të sfidojnë robërinë dhe të mbajnë gjallë luftën për liri dhe çlirim. Si ish i burgosur politik dhe luftëtar i Ushtrisë Çlirimtare të Kosovës ishte shembull i guximit dhe vendosmërisë për ta bërë realitet lirinë e Kosovës.