Drejtoria e Bujqësisë dhe Zhvillimit Rural sot ka bërë shpërndarjen e 173 mekanizmave bujqësor për një pjesë të fermerëve përfitues, konkretisht: 40 motokultivatorë, 30 shpërndarëse plehu, 35 spërkatëse, 22 makina mjelëse dhe 46 pllugje, përfitues të cilët kanë për qëllim zhvillimin e veprimtarisë bujqësore.

Në ceremoninë e shpërndarjes mekanizmave bujqësor, pjesëmarrës ishin edhe kryetari i Komunës së Rahovecit, Smajl Latifi, nënkryetari i Komunës, Fatmir Iska dhe drejtori i Drejtorisë së Bujqësisë dhe Zhvillimit Rural, Berat Duraku.

Zyrtarët e kësaj komune kanë bërë me dije se në ditët në vazhdim do të bëhet shpërndarja e pjesës tjetër të mekanizmit bujqësor në bazë të furnizimeve të cilat do të pranohet nga kompanitë me të cilën ka lidhur kontratë komuna e Rahovecit.

Ndërsa njëri prej përfituesve të një kultivatori, Asllan Krasniqi ka pohuar se kjo do t’i shërbejë më shumë për vreshta, por edhe për produkte të tjera.