Kryetari i Komunës së Obiliqit, Xhafer Gashi, së bashku me hoxhën Halil Kastrati, kanë dhuruar 18 çelësat e 18 shtëpive për familjet përfituese për ndërtimin e shtëpive, duke rikthyer buzëqeshjen e 18 familjeve në nevojë.

Ky projekt i ndërtimit të shtëpive për familjet në nevojë është realizuar në kuadër të memorandumit të bashkëfinancimit në mes të Komunës së Obiliqit dhe shoqatës humanitare “Jetimat e Ballkanit”, në total janë 21 shtëpi, ndërsa 18 prej tyre janë finalizuar.