Pas tërmetit shkatërrues që goditi Mianmarin disa ditë më parë, një i ri, rreth të 20-tave, është shpëtuar nga rrënojat e një hoteli të shembur në kryeqytetin Naypyitaw, pesë ditë pas katastrofës.

Ky tërmet me magnitudë 7.7 mori jetën e mbi 2,700 njerëz dhe shkaktoi dëme të mëdha.

Shërbimi zjarrfikës i Mianmarit, në bashkëpunim me ekipet e shpëtimit nga Turqia, arriti të lokalizojë dhe të nxjerrë të riun nga rrënojat e hotelit Aye Chan Thar në komunën Ottarathiri.

Operacioni shpëtimi u realizua rreth orës 00:30 me kohën lokale (20:00 sipas orës sonë).

Ky nuk ishte rasti i vetëm i një shpëtimi të befasishëm pas tërmetit.

Një ditë më parë, ekipet e shpëtimit arritën të nxjerrin gjallë një 60-vjeçare, e cila kishte mbetur e bllokuar për plot 91 orë nën rrënojat e një pallati të shkatërruar nga tërmeti.

A man was rescued Wednesday after being trapped for five days under the collapsed Hotel Aye Chan Thar in Naypyitaw’s Ottarathiri Township, according to the Myanmar Fire Services Department, which worked with a Turkish rescue team. #WhatsHappeningInMyanmar pic.twitter.com/kHlHCrHlIL

— The Irrawaddy (Eng) (@IrrawaddyNews)April 2, 2025