Nesër bëhen 21 vite nga rënia e luftëtarëve të radhëve të para të Ushtrisë Çlirimtare të Kosovës, Zahir Pajaziti, Edmond Hoxha dhe Hakif Zejnullahu.

Për të nderuar jetën dhe vlerat e tre dëshmorëve të lirisë, nesër do të bëhen homazhe pranë varreve dhe shtatorëve të tyre.

Në Podujevë mbahet ceremonia e zbulimit te shtatoreve të dëshmorëve Zahir Pajaziti, Hakif Zejnullahu, Edmond Hoxha dhe Ilir Konushevci.

Po ashtu në Bibliotekën Kombëtare “Pjetër Bogdani”, mbahet akademi përkujtimore.

Dëshmorët Zahir Pajaziti, Hakif Zejnullahu dhe Edmond Hoxha, kanë rënë heroikisht më 31 janar të vitit 1997 në Pestovë të Vushtrrisë, në një pritë të organizuar nga policia dhe njësitë tjera të armikut serb.