Në kazermën “Adem Jashari”, 22 kandidatët e përzgjedhur kanë filluar rrugëtimin e tyre ushtarak për t’u bërë kadetë të Qendrës për Studime Universitare pranë Akademisë Ushtarake të Forcës së Sigurisë së Kosovës (FSK).

Në njoftimin e FSK-së është thënë se gjatë kësaj jave kandidatët do të testohen në disiplina të ndryshme ushtarake për të parë edhe një herë gatishmërinë dhe përgatitjen e tyre fizike për t’u bërë kadetë të ushtrisë kosovare.

Forca e Sigurisë së Kosovës çdo vit shkollon gjenerata të reja të kadetëve të cilët pas katër vitesh studimi ushtarak në QSU dhe RIT, bëhen oficerë të FSK-së.