Sot bëhen 22 vite nga koha kur ushtria serbe i’a mori jenën “Nënës së UCK-së”, Aze Brahimaj.

Gjenerali i Ushtrisë Çlirimtare të Kosovës dhe ish-deputeti i Kuvendit të Kosovës, Lahi Brahimaj e ka përkujtuar nënën e tij, Aze Brahimaj,  në 22 vjetorin e vrasjes.

Në një postim në rrjetin profilin e vet në “Facebook”, Brahimaj ka shkruar se nëna Azë do të mbetet nëna e UÇK-së. “Nëna Aze, përkujtimet për nënën janë të vështira gjithmonë por për mua aq sa qenka e rëndë qenka edhe krenari. Kur ne vendosem ti dilnim përballë armikut ti na dhe bekimin dhe u bëre krahu ynë në këtë rrugë, u bëre shoqe e bashkëluftëtarë për ne, u bëre nëna e UÇK-së siç të quanin shokët bashkëluftëtar kur ju rrije gati e kujdeseshe po me atë dashuri të nënës si për ne djemtë e tu”, ka shkruar Brahimaj.

Postimi i plotë i Brahimajt:

Në përkujtim të nënave

Nëna Aze, përkujtimet për nënën janë të vështira gjithmonë por për mua aq sa qenka e rëndë qenka edhe krenari.

Kur ne vendosem ti dilnim përballë armikut ti na dhe bekimin dhe u bëre krahu ynë në këtë rrugë, u bëre shoqe e bashkëluftëtarë për ne, u bëre nëna e UÇK-së siç të quanin shokët bashkëluftëtar kur ju rrije gati e kujdeseshe po me atë dashuri të nënës si për ne djemtë e tu.

Sot 22 vite më parë bashkë me nënën (gjyshen time) Zizen ratë ashtu siç u ka hije nënave e motrave shqiptare.

Nëna ime Aze Brahimaj sot nuk je në mesin tonë fizikisht por ti jeton me veprat tuaja prej nëne e heroine, sot nuk të kujtojmë vetëm ne por të kujtojnë të gjithë ata që në ditët më të vështira të thirrën nënë e po na bëjnë më të lehtë mungesën tënde në këtë përvjetor duke ndarë mallin e dhimbjen me ne.

I përjetshëm kujtimi për ju, i lehtë u qoftë dheu i Kosovës ju dhe gjitha nënave shqiptare që u sakrifikuan për këtë vend.

#LahiBrahimaj