Kryetari i Partisë Demokratike të Kosovës (PDK), Enver Hoxhaj, në 22-vjetorin e masakrës së Rezallës, ka thënë se kjo masakër, ndër më të rëndat në Kosovë është dëshmi e gjenocidit serb të ushtruar mbi popullin tonë.

“Ne kurrë nuk do të ndalemi së kërkuari drejtësi për secilën viktimë të këtij gjenocidi të pamëshirshëm, derisa të gjenden trupat e të gjithë të zhdukurve, derisa të dënohen të gjithë fajtorët, derisa shteti serb të kërkojë falje për krimet e bëra”, ka shkruar Hoxhaj në llogarinë e vet në “Facebook”.

Në këtë masakër janë vrarë 98 civilë të pafajshëm.