Drejtori i Policisë së Kosovës, Gazmend Hoxha, ka thënë se qytetarët nuk duhen të frikësohen nga policia, përveç atyre që janë në kundërshtim me ligjin.

Ai në 24-vjetorin e Policisë së Kosovës, ka deklaruar se ky institucion është shpresë për të gjithë qytetarët e Kosovës.

“Kjo ditë shënon një ringjallje të shpresës, ringjallje të shpresës së qytetarëve tonë për fillim të zbatimit të ligjit në gjithë territorin e Kosovës, po ashtu është edhe një ringjallje e shpresës për jetë të sigurt dhe prosperitet në këtë vend”, ka thënë Hoxha.