Deputetja e Aleancës për Ardhmërinë e Kosovës (AAK), Time Kadrijaj,  në seancën solemne të Kuvendit të Kosovës në 25-vjetorin e Betejës së Koshares, ka thënë se në front janë mobilizuar qytetarë nga fshati e qyteti mjekë, mësues dhe të tjerë nga diaspora që i kanë dalë zot vendit.

“Kufiri që ndau vëllezërit e një gjaku dhe një gjuhe, ‘Epopeja e UÇK’-së e në fillimin e muajt mars në Prekaz ra për të mos vdekur kurrë komandanti Adem Jashari, për të vazhduar në ‘Epopenë e Dukagjinit’ dhe në gjithë Kosovën. Ishte e vetmja formë e përgjigjes, lufta e armatosur. Në front u mobilizuan qytetarë nga fshati e qyteti mjekë, mësues, tjerë nga diaspora që i dolën zot vendit. Ishte bekim që kishim përkrahjen edhe nga Shqipëria. Nuk ka ndjenjë më të mirë se mu bekuar me flamurin kuq e zi. Unë ushtar i UÇK-së betohem se do luftoj për çlirimin e tokave shqiptare do jem përherë besnik vigjilent e i disiplinuar i gatshëm në çdo kohë do luftojë për të mbrojtur atdheun. Të gatshëm ishim edhe ne mjekët në natë të errët dhe  acar ecëm për të mos u vërejtur nga forcat e armikut”, ka thënë Kadrijaj.

Deputetja Kadrijaj ka shtuar se për ne të gjallët më e pakta që mund të themi është nderim për heronjtë e këtij vendi Kosova është amanet i dëshmorëve”,

“Kohët e vështira sjellin njerëz të zotë e njerëz të zotë kohët e mira. Përballë rrugës ranë mbi 423 të plagosur ndanë jetën me vdekjen për t’i dhënë lirinë Kosovës. Për ne të gjallët më e pakta që mund të themi është nderim për heronjtë e këtij vendi Kosova është amanet i dëshmorëve”, ka thënë Kadrijaj. /EO