Në shënim të 25-vjetorit të triumfit të dytë të familjes Jashari, përfaqësues të OVLUÇK-së kanë bërë homazhe në Kompleksin Memorial “Adem Jashari” në Prekaz.

“25 vite më parë, në mëngjesin e 22 janarit 1998, pushtuesi serb tentoi që të arrestojë në mënyrë tinëzare Adem Jasharin dhe të tjerët, por janë zmbrapsur. Duke parë se këtu ka rezistencë, është dashur që aty të vijnë me forca më të shtuara me 5,6,7 mars, duke sulmuar me tankse e artileri familjen Jashari, por edhe rezistenca e kësaj familje ka treguar se ky vend nuk mund të pushtohet lehtë. Lavdi Komandantit Legjendar Adem Jashari, lavdi gjithë të rënëve për liri!”, ka shkruar në “Facebook” ushtruesi i detyrës së kryetarit të OVLUÇK-së, Faton Klinaku.