Nënkryetari i Prishtinës dhe kandidati për deputet nga radhët e LDK-së, Alban Zogaj, ka marrë pjesë në takimin madhështor në Pejë ku kandidati për kryeministër Lumir Abdixhiku ka shpalosur programin qeverisës të LDK-së.

Zogaj ka postuar një foto me kryetarin e Pejës, Gazmend Muhaxherin dhe këtë tubim e ka quajtur një ngjarje që e ka bindur më tepër se LDK është në rrugën e duhur për një ndryshim të madh dhe të qëndrueshëm.

“Vizioni ynë është i qartë dhe mbështetja e qytetarëve të Pejës është e fuqishme. Faleminderit për këtë pritje të paharrueshme”, ka thënë ai.