Cesc Fabregas ka një miqësi të madhe me Leo Messin. Mesfushori i Monacos luajti gjatë sezoneve 2011-2014 te Barcelona dhe fitoi pesë trofe me skuadrën e zemrës. Spanjolli është përfshirë në debatin rreth mundësisë së largimit të “pleshtit” nga katalanasit, duke qetësuar tifozët.

“Leo ka menduar gjithmonë të mbyllë karrierën te Barcelona. Mijëra gjëra mund të ndodhin brenda klubit, por unë jam plotësisht i sigurt se Messi do e mbyllë karrierën te skuadra katalanase”, deklaron 32-vjeçari për Cadena Cope.

Ylli argjentinas ku luajtur gjatë gjithë jetës me Barcelonën, por kohët e fundit është përfolur mbi mundësinë e nisjes së një aventure të re me Newell’s Old Boys në Argjentinë, klub në të cilin nisi të luajë futboll, ose tek Interi në Serie A.