Një zbulim i ri arkeologjik ka ndodhur në Himarë. Arkeologët kanë gjetur një varrezë tumulare të shekullit XV-XII para lindjes së Krishtit.

Lajmi është bërë me dije nga gazetari Aleksandër Çipa i cili ka publikuar në llogarinë e vet në “Facebook” disa fotografi nga ky zbulim.

Sipas arkeologëve, zbulimi është i një rëndësie të veçantë, pasi është i pari sit arkeologjik i këtij lloji në bregdetin e Himarës.