240 raste të reja me Covid-19 në Kosovë janë konfirmuar në 24 orët e fundit në Kosovë, prej tyre 86 në komunën e Prishtinës dhe 6 raste të të vdekurve nga i njëjti infeksion në nivel vendi.

Ky kthim i rasteve të reja ka bërë që sonte qytetarët të mbyllën më shumë, njëkohësisht t’i respektojnë masat anti Covid.

Kryetari i komunës së Prishtinës, Shpend Ahmeti, ka thënë se është alarmante dhe shqetësuese rritja e shpejtë dhe e vazhdueshme e rasteve të reja me Covid-19 në gjithë Kosovën, e sidomos në Prishtinë, raporton “Epoka e re”.

Instituti Kombëtar i Shëndetësisë Publike të Kosovës ka njoftuar se në 24 orët e fundit në Kosovë janë shëruar 143 pacientë nga koronavirusi, me të cilët numri i përgjithshëm i të shëruarve arrin në 3,369.

Kosova i ka regjistruar rastet e para me koronavirus më 13 mars.

Që atëherë janë konfirmuar gjithsej 6,286 raste pozitive.

Aktive aktualisht janë 2,762 raste.

(Epoka e re)