38 raste të reja me Covid në Kosovë
Ministria e Shëndetësisë (MSh) ka njoftuar se gjatë 24 orëve të fundit në Kosovë janë raportuar 38 raste të reja me Covid.
Po ashtu, kjo ministri ka njoftuar se gjatë kësaj periudhe kohore janë dhënë 53 doza të vaksinës kundër Covidit dhe janë shëruar 17 persona.
“Në 24 orët janë dhënë 53 doza të vaksinës kundër Covid-19. Prej fillimit të vaksinimit në të gjitha qytetet e Kosovës janë dhënë 1.830.333 doza të vaksinës. Deri më sot 823.653 qytetarë janë vaksinuar me dozën e dytë. Deri më sot janë dhënë 103.112 doza përforcuese dhe doza të treta të vaksinës kundër Covid-19. Nga 206testime, 38 qytetarë kanë rezultuar pozitiv me virusin Covid-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 17 qytetarë, derisa numri i përgjithshëm i të shëruarve është 225.344. Në total numri i rasteve aktive është 189”, ka njoftuar MSh-ja.