Pesë njësi të Forcave të Mbrojtjes të Izraelit ishin përgjegjëse për “shkeljet serioze të të drejtave të njeriut” në incidentet jashtë Rripit të Gazës përpara sulmit të 7 tetorit.

Kështu deklaroi zëdhënësi i Departamentit Amerikan të Shtetit, Vedant Patel, duke folur për gazetarët.

Sipas tij, katër nga pesë njësitë kanë korrigjuar në mënyrë efektive shkeljet, ndërsa Izraeli ka paraqitur informacione shtesë në lidhje me të pestën dhe po vazhdon bisedimet për këtë çështje me qeverinë amerikane.

Njoftimi i Departamentit të Shtetit erdhi pasi administrata Biden vendosi të pezullojë sanksionet kundër Netzah Yehuda të akuzuar për abuzime kundër palestinezëve në Bregun Perëndimor.