Të paktën 5 persona kanë humbur jetën nga tërmeti i djeshëm që goditi Meksikën. Tërmeti me fuqi 7.5 rihter është pasuar me mbi 400 dridhje të tjera, të regjistruara brenda 6 orësh.

Ky është tërmeti i dytë me një magnitudë kaq të lartë, që godet Meksikën në harkun kohor të 3 viteve. Në 2017-ën një tërmet me epiqendër në Puebla, shënoi 300 viktima.

Ndërtesat pranë epiqendrës së tërmetit të djeshëm janë dëmtuar shumë. Lëkundja u ndje në Chiapas, Guerrero, Veracruz, Morelos, Estado de México dhe Puebla.