Kandidati për deputet i Partisë Demokratike të Kosovës, Betim Gjoshi i cili në zgjedhjet e përgjithshme që do të mbahen me 9 shkurt 2025, do të garoj me numrin 50 në listën zgjedhore të PDK-së, ka kërkuar nga qytetarët që në këtë ditë të parë të vitit 2025, të ngremë gotat tona për të nderuar guximin, sakrificën dhe vendosmërinë e pathyeshme të heronjve tanë-çlirimtarëve tanë-që sot qëndrojnë në Hagë, duke mbrojtur të vërtetën dhe kauzën e shenjtë të lirisë së Kosovës.

Thirrja e Gjoshit:

Të dashur miq,

Në këtë ditë të parë të vitit 2025, le të ngremë gotat tona për të nderuar guximin, sakrificën dhe vendosmërinë e pathyeshme të heronjve tanë—çlirimtarëve tanë—që sot qëndrojnë në Hagë, duke mbrojtur të vërtetën dhe kauzën e shenjtë të lirisë së Kosovës.

Sot, ndërsa hyjmë në një vit të ri, riafirmojmë mbështetjen tonë të palëkundur për ta dhe përkushtimin tonë ndaj të vërtetës. Për mbrojtësit tanë, për lirinë e Kosovës dhe për një vit ku presim që drejtësia të triumfojë —Gëzuar!🥂