Kandidati për deputet nga Partia Demokratike e Kosovës, Betim Gjoshi, ka zhvilluar takime me qytetarë dhe anëtarë të PDK-së në Korroticë dhe Drenas, ku ka prezantuar programin dhe vizionin e tij politik.

Në një atmosferë entuziaste, Gjoshi ka theksuar se Kosova ka potencial dhe meriton më shumë zhvillim e përparim. Ai ka falënderuar të pranishmit për mbështetjen dhe ka bërë thirrje për bashkim rreth ekipit të PDK-së.

“Kosova mundet dhe meriton më mirë. Faleminderit për mbështetjen tuaj për mua si kandidat me numrin 50 në listë. Ju ftoj që edhe në ditët në vijim të bashkoheni ekipit më të mirë për një Kosovë më të mirë,” ka deklaruar Gjoshi.