Ndeshja e zhvilluar sot në kuadër të Serisë A në mes Fiorentinës dhe Sampdorias, përfundoi pa fitues dhe me gjashtë gola të shënuara (3-3).

Luis Muriel realizoi dy gola për vendasit dhe një tjetër e shtoi German Pezzella, kurse edhe për mysafirët dy gola i shënoi Fabio Quagliarella dhe një tjetër Gaston Ramirez. Vendasit luajtën nga minuta e 39-të, pa një lojtar kur u ndëshkua me karton të kuq Edimilson Fernandes.

Në ndeshjen tjetër në mes SPAL-it dhe Bolognas, rezultati final ishte 1-1. Derbi i kësaj xhiro në mes Napolit dhe Lazios fillon nga ora 20:30.

/Epoka e re/