66-vjeçari nga Ukraina mbytet në plazhin e Golemit
Një pushues është mbytur ndërsa lahej në plazhin e Golemit. Mësohet se bëhet fjalë për një 66-vjeçar ukrainas i cili u nxor nga uji nga pushuesit por nuk mundi të mbijetonte.
Ky është rasti i tretë i mbytjes në plazhet e vendit në pak ditë. Vetëm të dielën humbën jetë tre pushues, dy në plazhin e Spillesë dhe një në Velipojë. Dy pushuesit që u mbytën në Spille ishin nga Maqedonia e Veriut, kurse në Velipojë humbi jetën një 59-vjeçar nga Kosova.
Prej vitesh tashmë, problematikë në plazhet shqiptare është mungesa e rojeve bregdetare dhe në pjesën më të madhe të rasteve angazhohen pushuesit për t’u dhunë ndihmën e parë personave që rrezikojnë mbytjen në det.
NJOFTIMI I POLICISË
“Rreth orës 11:30, në plazhin e Golemit, në breg të detit është gjetur pa shenja jete shtetasi Ukrainas A. R., rreth 66 vjeç, i cili dyshohet se është mbytur duke u larë në det. Grupi hetimor ndodhet në vendngjarje dhe po punon për përcaktimin e rrethanave të ngjarjes.”