689 raste aktive me Covid në Kosovë
04 gusht 2021
| 12:53
Sipas të dhënave të fundit të Institutit Kombëtar të Shëndetësisë Publike të Kosovës (IKShPK) vetëm dje kanë rezultuar pozitivë me virusin Covid-19 110 qytetarë.
Gjatë 24 orëve të fundit është shënuar një rast i vdekjes.
Të martën janë shëruar edhe dy qytetarë, kurse numri i përgjithshëm i të shëruarve është 105 667.
Në total numri i rasteve aktive me Covid është 689.
Në 24 orët e fundit janë dhënë 17 322 doza të vaksinës kundër Covid-19.
Prej fillimit të vaksinimit në të gjitha qytetet e Kosovës janë dhënë 445 650 doza të vaksinës.
Deri më sot 155 907 qytetarë janë vaksinuar me dozën e dytë.