Një kontroll i kujdesit intensiv ka zbuluar se shumica e të prekurve nga koronavirusi, rreth 71 për qind, janë meshkuj.

Sipas “Observer”-it, një raport nga Qendra Kombëtare e Auditimit dhe Kërkimit e Kujdesit Intensiv (ICNARC) ka filluar vëzhgimet që në fillim të krizës deri në mesnatën e së enjtes.

Numri i pacientëve në Mbretërinë e Bashkuar që kanë nevojë për trajtim për koronavirusin është dyfishuar çdo tri ditë që nga fillimi i pandemisë.

Me gjithë paralajmërimet se virusi prek kryesisht të moshuarit, mosha mesatare ishte vetëm 64 vjeç dhe 37 për qind të pacientëve ishin nën 60 vjeç.

Pacientët me koronavirus që kanë nevojë për nivelin më të lartë të ndihmës u rritën nga 50 në 9 Mars në pothuajse 200 në 19 mars.

Mjekët tani janë të shqetësuar se kjo rritje dramatike mund të shihet në të gjithë vendin brenda disa javësh dhe po paralajmërojnë spitalet jashtë kryeqytetit për t’u përgatitur për një fluks të pacientëve.

Njoftimi i kësaj fundjave, se kishte 56 vdekje të reja në Mbretërinë e Bashkuar, ka ngritur shqetësimin se spitalet mund t’i mbarojnë shtretërit e kujdesit intensiv brenda disa javësh.