Pacientja e parë me COVID-19 nga Peja ka vdekur sot. Ajo është trajtuar në Klinikën Infektive të QKUK-së që nga data 25 mars. Për këtë rast dhe rastet e tjera në Pejë ka dhënë detaje kryetari i kësaj komune, Gazmend Muhaxheri.

Muhaxheri ka thënë se pacientja që ndërroi jetë është e infektuara e parë më COVID-19 nga kjo komunë.

Ai ka treguar se janë të infektuar edhe pesë familjarë të saj, por se gjendja e tyre është e mirë.

“Po, janë të infektuar edhe pesë familjarë të saj. Gjendja e tyre për momentin është e mirë”, ka thënë Muhaxheri për “Express”.