Partia Demokratike e Kosovës (PDK) ka dorëzuar listën e 110 kandidatëve për deputet në Komisionin Qendror Zgjedhor (KQZ) për zgjedhjet parlamentare të 9 shkurtit 2025.

Kjo listë, e cila nga PDK-ja është quajtur listë e ekipit fitues, përfshinë personalitete të rëndësishme që në kohë të ndryshme kanë dhënë kontribut për vendin.

Në mesin e këtyre personaliteteve është edhe Floriana Rugova, i cila në këto zgjedhje mban numrin e 81 në listën e PDK-së.

Floriana Rugova, është juriste dhe ish-asambleiste e PDK-së në Kuvendin e Prishtinës. Ajo i është futur garës për t’u bërë deputete e Kuvendit të Kosovës në zgjedhjet e 9 shkurtit si pjesë e ekipit që drejtohet nga kandidati për kryeministër, Bedri Hamza, dhe do të mbajë numrin 81 në listën fituese të PDK-së.

Floriana hyn në këtë garë me një përvojë të gjatë institucionale në fushën e sundimit të ligjit. Për të, drejtësia është një përkushtim i pandërprerë dhe një betejë e vazhdueshme për mbrojtjen e të drejtave dhe dinjitetit të çdo qytetari. Kandidatja për deputete është duke takuar qytetarë të profesioneve të ndryshme për tua bërë të ditur se Kosova ka nevojë për më mirë.