Shkruan: Erald Selca

Një datë, krenarie dhe trishtimi për qytetarët e Gostivarit dhe Tetovës dhe gjithë shqiptarëve.

Në mëngjesin e hershëm të datës 9 korrik të vitit 1997, burgoset kryetari i atëhershëm i Komunës së Gostivarit, Rufi Osmani dhe më pas nga gjykatat maqedonase dënohet me 14 vjet burg, poashtu burgoset edhe kryesuesi i këshillit të atëhershëm komunal, Refik Dauti.

Në mbrojtje të Flamurit kombëtar në Gostivar u vranë: Dr. Shpend Iseini, Nazmi Saliu, Milaim Saliu.

U plagosen me qindra të tjerë. U keqtrajtuan pamëshirshëm dhe u përgjakën shumë të tjerë.

Më 9 korrik përpos që u burgos Kryetari i Komunës së Gostivarit Rufi Osmani, Kryesuesi i Këshillit Refik Dauti, u burgosën edhe Kryetari i Komunës së Tetovës Alajdin Demiri, dhe Kryesuesi i këshillit Komunal të Tetovës, Vebi Bexheti, të cilët nuk respektuan vendimin e Gjykatës Kushtetuese për ta hequr Flamurin Kombëtar Shqiptar i cili u ngrit nga të njejtët para godinës së Komunës së Gostivarit dhe Tetovës.

Përulje, per martirët, respekt për të gjithë që sakrifikuan dhe vuajtën burg në mbrojtje të Flamurit Kombëtar!