Një nxënës është sulmuar për vdekje nga pitbulli i një mikeje të familjes pasi ishte lënë vetëm me të.

Frankie MacRitchie, nëntëvjeçar, ka pësuar plagë vdekjeprurëse në kokë pasi është sulmuar nga bulldogu amerikan në Staffordshire në prill të vitit 2019, ndërsa ishte vetëm me të në një automjet kampingu.

I riu nga Plymouth, kishte qëndruar në një automjet kampingu në Tencreek Holiday Park në Looe, Cornwall me nënën e tij, Tawney Willis, dhe shoqen e saj Sadie Totterdell.

Totterdell e kishte marrë me qira automjetin nga 7 prilli për pushime dhe iu bashkua Frankie dhe Willis më 11 prill, tha Gjykata e Koronerit të Cornwall.

Të nesërmen Totterdell e kishte sjellë qenin, të quajtur Winston, në automjet dhe të gjithë dolën në klubin social të parkut para se të ktheheshin rreth mesnatës. Më vonë, shokët u bashkuan me miqtë në një automjet parking të fqinjëve për të vazhduar të pinin, duke lënë Frankie me Winston.

Dyshja janë dehur dhe Willis gjithashtu ka pranuar se merrte kokainë. Shoqja Cheryl Crocker, ka thënë se Willis është larguar nga automjeti disa herë për të kontrolluar djalin e saj dhe ajo kishte dëgjuar britmat herën e parë që nëna u bë e vetëdijshme për tragjedinë, është thënë nga hetuesit.

Cheryl ka thënë: “Tawney erdhi duke bërtitur”.

Partneri i saj Jordan Pearce ka thënë: “Ne të gjithë ishim ulur në karvanin tonë kur Tawney doli për të kontrolluar dhe unë mund të dëgjoja diçka, kështu që e ndala muzikën dhe nuk dëgjova asgjë. Ne e rivendosëm muzikën dhe dëgjuam një ulërimë dhe ajo fjalë për fjalë hyri nga dera dhe kjo ishte kur e morëm vesh”.

Jordani ka thënë se pas sulmit, Totterdell iku nga parku i karvaneve, duke marrë Winston me të.

Shërbimet e urgjencës janë alarmuar pak para orës 5 të mëngjesit më 13 prill pasi Tawney është kthyer në karvan dhe pa djalin të shtrirë në dyshemenë e kuzhinës të mbuluar me gjak.

Mjekët kanë tentuar ringjalljen, por Frankie ishte shpallur i vdekur në orën 5.35 të mëngjesit.

Sipas raportimve, Willis dhe Totterdell janë ndjekur më vonë dhe janë burgosur , shkruan “Mirror”.