Kandidati për deputet, Lahi Brahimaj i cili garon me numrin 90 në listën e AAK-së, ka takuar banorët e Rekës së Keqe.

“Bashkë me banorët e mrekullueshëm të fshatrave Botushë, Molliq, Nivokaz, Brovinë, Stubëll dhe Berjah diskutuam për të ardhmen që meritojnë këto vendbanime kufitare me histori e traditë”, ka shkruar Brahimaj.

Postimi i plotë:

Bashkë me banorët e mrekullueshëm të fshatrave Botushë, Molliq, Nivokaz, Brovinë, Stubëll dhe Berjah diskutuam për të ardhmen që meritojnë këto vendbanime kufitare me histori e traditë. Potenciali bujqësor dhe blegtoral i kësaj zone është i jashtëzakonshëm, por që kërkon mbështetje institucionale për t’u zhvilluar plotësisht.

Përmes Programit tonë për Zhvillimin Rural, do të sigurojmë infrastrukturë më të mirë, trefishim të buxhetit për bujqësi dhe kushte dinjitoze për çdo familje që jeton në këto fshatra.

Kosova Fituese është ajo që investon në çdo fshat dhe që transformon potencialin në mirëqenie për çdo qytetar. Faleminderit për besimin dhe përkrahjen e vazhdueshme!

Kosova Fituese 1️⃣3️⃣7️⃣

Ramush Haradinaj 1️⃣

Lahi Brahimaj 9️⃣0️⃣