Lahi Brahimaj, kandidat i koalicionit të AAK-së me partnerët për deputet, ka zhvilluar takime me qytetarët në fshatrat Ratish i Ultë e i Epërm, Maznik, Dashinoc e Vranoc i Vogël.

Ai ka thënë se populli kërkon siguri e zhvillim dhe meriton “më shumë se kjo Qeveri e dështuar”.

“Zëri i këtyre njerëzve punëtorë e atdhedashës është i qartë: Kosova meriton më shumë se kjo qeveri e dështuar që po na çon prapa çdo ditë. Bashkë do ta ndërtojmë Kosovën Fituese”, ka shkruar Brahimaj në Facebook.

Postimi i plotë:

Çdo lagje e fshat është zgjuar, duke e kuptuar se koha për ndryshim ka ardhur. Sot, te banorët e Ratishit të Ultë e të Epërm, Maznikut, Dashinocit e Vranocit të Vogël, pashë të njëjtën dashuri për vendin, të njëjtin shqetësim për gjendjen. Ky popull krenar që dikur luftoi për liri, sot kërkon siguri dhe zhvillim.

Zëri i këtyre njerëzve punëtorë e atdhedashës është i qartë: Kosova meriton më shumë se kjo qeveri e dështuar që po na çon prapa çdo ditë. Bashkë do ta ndërtojmë Kosovën Fituese.

Kosova Fituese 1️⃣3️⃣7️⃣

Ramush Haradinaj 1️⃣

Lahi Brahimaj 9️⃣0️⃣