Kryetari i komunës së Malishevës, Ekrem Kastrati, ka bërë të ditur se në Kijevë se shpejti do të ndërtohet Qendra e Mjekësisë Familjare, falë mbështetjes organizatën “Qatar Charity” në Kosovë.

Kastrati ka thënë se sot ka nënshkruar Marrëveshjes me organizatën “Qatar Charity” për bashkëfinancim të projektit për ndërtimin e Qendrës së re të Mjekësisë Familjare në Kijevë.

Sipas tij, ky është një nga projektet  më të mira në sektorin e shëndetësisë.

Postimi i plotë i Kastratit në profilin e vet në “Facebook”:

Kijevën po e bëjmë me super Qender të Mjekësisë Familjare 🏥👩‍⚕️🚑👏

Qytetarë të mirë, po ndaj me ju një lajm të jashtëzakonshëm, atë të nënshkrimit të Marrëveshjes me organizatën “Qatar Charity” për bashkëfinancim të projektit për ndërtimin e Qendrës së re të Mjekësisë Familjare në Kijevë.

Pa dyshim, ky është një nga projektet tona më të mira në sektorin e shëndetësisë, që shumë shpejt do mund ta shfrytëzojnë banorët e Kijevës dhe të gjitha zonat e saj përreth.

Ne do vazhdojmë të jetësojmë projekte të mëdha, me interes për qytetarët tanë, të cilët edhe na kanë dhënë besimin për të bërë punë të tilla të mira.