Një veteran 95-vjeçar britanik i Luftës së Dytë Botërore ka thyer rekordin e vet personal të shtunën, si zhytësi më i vjetër në botë, pasi u zhyt në thellësi për ta eksploruar një anije të fundosur jashtë Qipros.

Ray Woolley, i cili mbushi 95 vjet më 28 gusht, tashmë mban rekordin si zhytësi më i vjetër aktiv. Ai hyri për 44 minuta në thellësi prej 40.6 metrash, duke kaluar rekordin e vet të mëparshëm prej 41 minutash dhe 38.1 metrash, derisa ishte 94-vjeçar.