Shefja e Politikës së Jashtme të Bashkimit Evropian, Federica Mogherini, nesër (e enjte) do të presë në takim presidentin e Kosovës, Hashim Thaçi, dhe atë të  Serbisë, Aleksandar Vuçiq.

Presidentët në këtë takim pritet të konfirmojnë gatishmërinë e tyre për arritjen e  marrëveshjes përfundimtare për normalizimin e marrëdhënieve ndërmjet dy vendeve.

“Në takim dy liderët pritet të konfirmojnë gatishmërinë e tyre për të intensifikuar punën drejt arritjes së një marrëveshjeje ligjërisht të obligueshme për normalizimin gjithëpërfshirës, i cili është vendimtar për rrugët e tyre evropiane”, është thënë në komunikatën e lëshuar nga zyra e Mogherinit.