Rreth 17 500 ushtarë nga dhjetë vende të NATO-s po marrin pjesë në stërvitjet ushtarake që nisën të mërkurën në Poloni dhe në vendet e Baltikut, tha sot Ministria e Mbrojtjes e Polonisë.

Sipas saj, stërvitjet “Anakonda” janë më të mëdhatë që ka mbajtur Polonia ndonjëherë.

Rreth 12,500 trupa polake janë të përfshira në ushtrimet brenda Polonisë, ndërsa 5 000 ushtarë të tjerë nga vendet anëtare të NATO-s marrin pjesë në Estoni, Letoni dhe Lituani.

Orari i tyre përfshin manovra detare edhe në Detin Baltik, raporton “Rel”.

Stërvitjet do ta zgjasin deri më 16 nëntor.

Polonia dhe tre vendet e Baltikut në veçanti janë të shqetësuara për sigurinë e tyre prejse Rusia ka aneksuar gadishullin ukrainas të Krimesë në vitin 2014.