![](https://www.epokaere.com/wp-content/uploads/2019/02/sala-qeni.jpg)
Qeni po e pret rikthimin e Salas
06 shkurt 2019
| 09:11
Qeni i Emiliano Sala është ende duke pritur futbollistin që të kthehet në shtëpi, disa javë pasi avioni me të cilin po udhëtonte argjentinasi u zhduk nga radarët.
Motra e Emilianos, Romina Sala ka shpërndarë në Facebook një foto ku shihet qeni i ulur në pragun e derës duke pritur.
“Edhe Nala po të pret…”, shkroi Romina në foton që të këput shpirtin.
28-vjeçari nuk është parë që kur avioni Piper PA-46 Malibu u zhduk. Sala dhe piloti i avionit, Dave Ibbertson mendohet se kanë vdekur pasi avioni është rrëzuar gjatë transportit nga Nanta e Francës në Kardif të Uellsit, ku futbollisti do të niste një aventurë të re në karrierën e tij.