Qendra Kryesore e Mjekësisë Familjare “Dr. Hafir Shala” në Drenas është qendra e parë në Kosovë që po bëhet me sistemin informativ (digjitalizim) ku secili pacient do të regjistrohet përmes aplikacionit përkatës.

QKMF-ja në Drenas është vizituar nga përfaqësuesi i Ministrisë së Shëndetësisë, Zenel Hysenaj me ekipin e tij dhe përfaqësuesi i Bankës Botërore, Dorethee Chan,me ekipin e ekspertëve, për të parë nga afër implementimin e projektit të filluar nga Ministria e Shëndetësisë, respektivisht nga departamenti i IT-së nga kjo ministri.

Në këtë vizitë ishte edhe nënkryetari i Komunës së Drenasit, Gani Sylaj, drejtori i Shëndetësisë dhe Mirëqenies Sociale, Arsim Haxhiu si dhe drejtori i QKMF, Ismet Bogiqi.

Ky projekt pritet të jetësohet në gjashtë mujorin e parë të këtij viti ne gjithë rrjetin e kujdesit parësor shëndetësor në Komunën e Drenasit, ku ne kohë reale do të përfitonin të gjitha të dhënat e mundshme lidhur me punën dhe procedurat e punëtorëve shëndetësor dhe pacientëve.

/Epoka e re/