Presidenti i Shqipërisë, Ilir Meta, ka pritur në takim sekretarin e Shtetit të Vatikanit, Kardinalin Pietro Parolin.

Presidenti Meta ka theksuar se marrëdhëniet mes Shqipërisë dhe Vatikanit sot janë më të forta se kurrë.

“Kënaqësi të mirëpres në Tiranë sekretarin e Shtetit të Vatikanit, Kardinalin Pietro Parolin. Mirënjohës për mbështetjen e fortë dhe të vazhdueshme të Vatikanit për Shqipërinë dhe shqiptarët. Marrëdhëniet mes Shqipërisë dhe Vatikanit sot më të forta se kurrë”, ka shkruar Meta në llogarinë e vet në “Facebook”.

/Epoka e re/