Aleanca për Ardhmërinë e Kosovës (AAK) në Deçan, ka mbajtur Kuvendin e tetë zgjedhor, në të cilin ka rizgjedhur Daut Haradinajn kryetar të kësaj dege.

Deputeti Daut Hardinaj ka theksuar se ndihet krenar për punën që e kanë bërë në këto vite dhe se suksesi është i përbashkët i të gjithëve.

“Unë kam pas nderin me punu për këto tre vite e gjysmë në degën e Aleancës dhe është e vërtetë që suksesi i përbashkët e kemi arritur, sot udhëheqë qeveria, udhëheq Bashkim Ramosaj në komunë. Po në të njejtën kohë gjithë kandidatët për deputetë nga Deçani janë zgjedhur”, ka deklaruar Daut Haradinaj.